Ваш вопрос

Ответ Настоятеля

Факты и Аргументы

Дача в Силламяги
Николай Никанорович Дубовской
(1859-1918)

Одним из известных прихожан Силламяэской церкви был Николай Никанорович Дубовской(1859-1918). Силламяэ был излюбленным местом отдыха ученых, художников, артистов, музыкантов.
Николай Никанорович Дубовской — крупный русский живописец отечественной пейзажной школы рубежа ХIХ и ХХ веков, видный общественный деятель, член и впоследствии один из руководителей Товарищества передвижников ...


(статья полностью)
 

Гностицизм

Я прочитала, что самая ужасная ересь, ересь всех ересей, это гностицизм. С самого начала существования Церкви он был врагом номер один христианства. И сегодня он губит многих. И ещё заявит о себе на последнем этапе истории. Не могли бы Вы рассказать об этом явлении?
 А.Н.Злобина, г.Минск
 

Гностицизм переживал расцвет в первые века нашей эры. Он был смертельным врагом христианства, несмотря на то, что или, вернее, оттого что большая часть гностических систем утверждалась на христианских основах. Долгое время даже бытовало мнение, что гностицизм — всецело явление христианской ереси. Церковь всегда питала отвращение к феномену гностицизма. Писания святых отцов убедительно свидетельствуют об этом. В этом противостоянии термин «гнозис» — «знание» — был антиподом «пистис» — «вера», указывающая на отношение к тайне христианского откровения. Гностик практически стал противоположностью верующего
.. (далее).

 


 

 
 
 
 
Главная О храме Адрес Расписания
Жизнь И.А.Кочурова The Feast Of St John Перевод

 

ЭСТОНСКАЯ ПРАВОСЛАВНАЯ ЦЕРКОВЬ МОСКОВСКОГО  ПАТРИАРХАТА

Главная
Вернуться

Поиски храма в Силламяэ

Ретроспектива исследований
Скачать (6Mb)


Читайте о памятнике православному храму в Силламяэ


Храм в Силламяэ отмечен Президентом Эстонии
 



Из Преображенского храма в Преображенский


Синай и
его святыни

 
Силламяэ-55
 

 

...И всё-таки никакая другая Литургия не может встать вровень с той, что происходит ночью на Гробе Господнем в Иерусалимском храме Воскресения...
подробнее

 

Последние изменения
25 October 2018 г.
 

 

 

 

 

                  

 

 

 

Служба священномученику Иоанну Царскосельскому и Чикагскому


Служба священномученику Иоанну Царскосельскому и Чикагскому


Великая вечерня:
Господи воззвах : глас 4
Подобен: Прехвальнии мученицы:

Радуйся, прехвальне священномучениче Иоанне, / Христу последовав отечество свое преславное оставив , / яко Авраам пришлец в землех новых был , ветхаго человека совлеклся еси, / Америки просветитель явился еси,/ со усердием стадо Христово спасай, /равный апостолом ходатай о душах наших.
Радуйся, Иоанне всехвальне , / подвиги апостол стяжав, / терпение и любовь к пастве своей показав, / Богу истинному во смирении и послушании послужив , / камень Веры Истинныя во Америце утвердив , / молитвами твоими, Церковь сохрани в мире и спаси души наша.
Радуйся, священномучениче Иоанне , /возвращся во отечество свое веру Христову поругаему обрел еси,/ со властию от Бога тебе данною, ругатели безбожныя обличив , / о еже избавити люди от междоусобныя брани взывал еси,/ себе самаго жертву живую Богу принесл ./И ныне Христу, святе, молися// даровати людем российским мир и велию милость.
Церкве Российския славо/ и отечества нашего украшение,/ священномучениче Иоанне,/ властию от Бога тебе данною,/ ругатели безбожныя обличил еси,/ и, яко волки лютыя, от стада Христова отгнал еси,/ диавола посрамил еси,/ кровь же твоя, яко Авелева, от земли вопиет . / Сего ради ходатай на Небеси о нас верен буди,/ моли спастися душам нашим.
Слава, глас 6
Радуйся, Церковь Русская и Царское Село,/ ликуй земле Америки и град Чикаго ,/ веселись и ты Эстонская земле./ Благословение имущи, священномученика Иоанна,/ Патриарха Тихона сподвижника,/ верного и праведного служителя Господня,/ ревностного учителя и защитника Правды Божия,/ просветителя пребывающих во тьме,/ утешителя плачущих, / наставника заблуждших,/ истинного пастыря стада Христова ,/ моли о мире всего мира и спасении душ наших.
И ныне, Богородичен: Всемирную славу:
Вход.
Прокимен дне. И чтения три.
Притчей чтение:
Память праведнаго с похвалами, и благословение Господне на главе его. Блажен человек, иже обрете премудрость: и смертен, иже уведе разум. Лучше бо сию куповати, нежели злата и сребра сокровища. Честнейшая же есть камений многоценных, все же честное недостойно ея есть. Долгота бо дней, и лета живота в деснице ея: в шуйце же ея богатство, и слава: от уст ея исходит правда, закон же и милость на языце носит. Послушайте убо мене, о чада! честная бо реку: и блажен человек, иже пути моя сохранит: исходи бо мои, исходи живота, и уготовляется хотение от Господа. Сего ради молю вас, и предлагаю мой глас сыновом человеческим: яко аз премудрость устроих совет, и разум и смысл аз призвах. Мой совет и утверждение, мой разум, моя же крепость. Аз мене любящия люблю, ищущии же мене обрящут благодать. Разумейте убо незлобивии коварство, ненаказаннии же прилагайте сердца. Послушайте мене и паки, честная бо реку, и отверзу от устен правая: яко истине поучится гортань мой, мерзки же предо мною устны лживыя. С правдою вси глаголы уст моих: ничтоже в них стропотно, ниже развращенно. Вся права суть разумевающим, и проста обретающим разум. Научу бо вас истине, да будет о Господе надежда ваша, и исполнитеся духа.
Притчей чтение:
Уста праведнаго каплютъ премудрость, язык же неправеднаго погибнет. Устне мужей праведных каплют благодати, уста же нечестивых развращаются. Мерила льстивая мерзость пред Господем: вес же праведный приятен Ему. Идеже аще внидет досаждение, тамо и безчестие: уста же смиренных поучаются премудрости. Совершение правых наставит их, и поползновение отрицающихся упасет их. Не пользуют имения в день ярости, правда же избавит от смерти. Умер праведный, остави раскаяние: наручна же бывает и посмеятельна нечестивыхъ пагуба. Правда непорочнаго исправляет пути, в нечестие же падает неправда. Правда мужей правых избавит их: безсоветием же пленяются беззаконнии. Скончавшуся мужу праведну, не погибнет надежда: похвала же нечестивых погибнет. Праведник от лова убегнет, вместо же его предается нечестивый. Во устех нечестивых сеть гражданом, чувство же праведных благоспешное. Во благих праведных исправится град, и в погибели нечестивых радование. Во благословении правых возвысится град, усты же нечестивых раскопается. Ругается гражданом лишенный разума, муж же мудрый безмолвие водит.
Премудрости Соломоновы чтение:
Праведник, аще постигнет скончатися, в покои будет. Старость бо честна не многолетна, ниже в числе лет исчитается: седина же есть мудрость человеком, и возраст старости житие нескверное. Благоугоден Богови быв, возлюблен бысть, и живый посреде грешник, преставлен бысть. Восхищен бысть, да не злоба изменит разума его, или лесть прельстит душу его. Рачение бо злобы помрачает добрая, и парение похоти пременяет ум незлобив. Скончався вмале, исполни лета долга: угодна бо бе Господви душа его: сего ради потщася от среды лукавствия. Людие же видевше и не разумевше, ниже положше в помышлении таковое: яко благодать и милость в преподобных его, и посещение во избранныхъ его.
На литии стихира храма и стихиры священномученику, глас: 5
Радуйся, Церковь Русская и Царское Село,/ ликуй земле Америки и град Чикаго ,/ веселись и ты Эстонская земле./ Благословение имущи, священномученика Иоанна,/ Патриарха Тихона сподвижника,/ верного и праведного служителя Господня,/ ревностного учителя и защитника Правды Божия,/ просветителя пребывающих во тьме,/ утешителя плачущих, / наставника заблуждших,/ истинного пастыря стада Христова ,/ моли о мире всего мира и спасении душ наших.
Глас :4
Священномучениче Иоанне, /вере Православной вся ны наставивый ,/ словом и делом защищая стадо свое,/ даже до пролития крови. / О сем же и мы чада твоя сущи/ благодарно с тобой вопием , / Слава Христу Богу нашему, /даровавшему ти венец мученический/ и нам тобою наставляемым велию милость.
Слава, глас тойже:
Дивному во святых Своих,/ Богу и Владыце живота/ , пение и исповедание приносиши Иоанне непрестанно, / в триех Лицех познаваемому, / в существе же едином проповеданому ,/ храм Божий в души твоей воздвигшему, / и светом Своим присносущным осиявшему тя, / тобою же и нас просвещающему.
и на Слава:
Радуйся, преславне отче Иоанне,/ земли наровския изрядный учителю, /Села Царского пресвитере/ и Церкви Российския первомучениче,/ благодать бо сугубая дадеся ти превым пострадати за Христа от безбожных./ Сего ради ныне дерзновение имаши усердно молитися за ны,/ не остави попечением своим паствы своея.

И ныне, Богородичен, глас тойже:
Радуйся, Пречистая Дево, / радуйся Богоневесто, радуйся, верных прибежище, / радуйся, святителей непрестанное пение, / радуйся, храмы Твоя воздвигнути даровавшая угоднику Твоему, / священномученику Иоанну, /егоже моления приемши, спаси благочестно поющия Тя.
Стихиры на стиховне: глас 8:
Приидите людие /, прославим священномученика Иоанна/просветителя и строителя Церкви Божия, / учителя и хранителя веры Христовы, / служителя Жертвы бескровныя,/ истинного пастыря и наставника, / жизнь свою за Христа положившаго.
Стих: Священницы Твоя облекутся в правду/ и преподобнии Твои возрадуются.
Приидите, восхвалим священномученика Иоанна , /приведшего в земле многобожия и ересей /к православной вере люди и паству свою, /словом и делом исповедал Христа, / Тем же утверди веру нашу ,да молитвами твоими Спасет души наша.
Стих: Честна пред Господем/ смерть преподобных Его.
Приидите, восхвалим священномученика Иоанна/, Пастыря церквей Российския и Американския, / Ты бо во всем Христу подражал , / стадо свое паствил еси, не яко наемник, но яко истинный пастырь Христов //и ревнитель о душах наших.
Слава, глас 4:
Ангели страданием твоим дивляхуся,/ и Церковь Небесная радостно тя прият/ достохвальна священномученика Иоанна ./ Ныне же, священныя руцы твоя к Престолу Святыя Троицы простирая,/ моля о спасении благочестно славящих тя .
И ныне, Богородичен, глас тойже:
Призри на моления Твоих раб, Всенепорочная,/ и всякия скорби избави землю Русскую/ домом Твоим нареченную/ и кровьми новомученик освященную./ Да не постыдимся, Владычице Державная,/ Тя призывающии,/ Ты бо еси православных помощь,/ радость и покров/ и спасение душ наших.

УТРЕНЯ
По 1-м стихословии седален
Глас
Воплощение добродетели, ревностный учитель и защитник Веры христианския,истинный пастырь стада своего, в Граде Небесном ныне пребывающи, священномучениче Иоанне, не престай молитися за ны.
Слава , и ныне .
О Всепетая Дево,/ Тя вемы Покров земли Русския/ Тебе бо, грешнии, имамы предстательство,/ Тебе стяжахом в напастех спасение,/ Едину Всенепорочную.
По 2-м стихословии седален
Глас
Ныне священномучениче Иоанне, венцем мученическим от Царя Славы, глава твоя украшается, и полки демонов в бессилии своем устрашаются. Негасимый бо свет славы твоея , просвещает Христос Бог освящает, славящих Тя.
Слава , и ныне.
Молитвеннице теплая, Заступнице рода христианскаго,/ приими моления раб Твоих/ и осени Русь Православную покровом Твоея благости.
Величание
Величаем, величаем тя, святый священномучениче Иоанне. И чтим святую память твою. Ты бо молиши о нас Христа Бога нашего.
Стих: Услышите сия вси языцы, / внушите вси живущии по вселенней.
По полиелею седален
Воскликнем Богу гласом радования, и прославим пресвитера Иоанна , священномученика Царскосельского и Чикагского, первомученика Церкви Российския, отца нашего достохвального, ведшаго нас на путь спасения, достигшего Царя славы Христа , ныне Церковь Русская и Американская прославляет тя, молитвенника о душах наших.
Слава , и ныне:
О Пречистая Дево, рождшая Бога Вечного Царя, с верою и любовию притекаем к Тебе и священномученику Иоанну. Молитеся Христу Богу о спасении душ наших.
Прокимен Глас 4:
Честна пред Господем смерть преподобных Его.
Стих: Что воздам Господеви о всех, яже воздаде ми?
Евангелие
Мф.5:14-19
Пс.50
Слава:
Глас 6.
Слава: Молитвами Богородицы, Милостиве очисти множества согрешений наших.
и ныне: Молитвами священномученика Иоанна , Милостиве очисти множества согрешений наших.
По 50-м псалме стихира, глас 6:
Радуйся, Церковь Русская и Царское Село,/ ликуй земле Америки и град Чикаго ,/ веселись и ты Эстонская земле./ Благословение имущи, священномученика Иоанна,/ Патриарха Тихона сподвижника,/ верного и праведного служителя Господня,/ ревностного учителя и защитника Правды Божия,/ просветителя пребывающих во тьме,/ утешителя плачущих, / наставника заблуждших,/ истинного пастыря стада Христова ,/ моли о мире всего мира и спасении душ наших.
Канон, глас 4.
Песнь 1
Ирмос: Моря чермную пучину/ невлажными стопами/ древний пешешествовав Израиль,/ крестообразныма Моисеовыма рукама/ Амаликову силу в пустыни победил есть.
Священномучениче Иоанне , моли Бога о нас.
Священство от архиерей прием, верный служитель Тела Христова был еси , ныне предстоиши пред престолом Вседержителя, испытанный и верный слуго и друг Господень.
священномучениче Иоанне , моли Бога о нас.
Руки твоя в гнве не простер , Святые Дары приносящия и уста твоя проповедавшия Евангелие Правды проклятия на безбожныя не давый, Священномучениче Иоанне, во всем уподобился еси Христу, и ныне предстоиши у престола Царя славы, молящися о нас.
священномучениче Иоанне , моли Бога о нас. (дважды)
Верный виноградарь вертограда Христова, семя жизни вечная неустанно, со усердием на земли возращая, священномучениче Иоанне, мзду за труды твоя в жизни вечной из рук Спасителя получив ныне, со всеми святыми радуешися.
Слава , ныне .
Приими песнь хвалебную от недостойных уст приносимую, препрославленная Мати Божия.
Песнь 3:
Ирмос: Веселится о Тебе Церковь Твоя, Христе, зовущи:/ Ты моя крепость, Господи,/и прибежище, и утверждение.

священномучениче Иоанне , моли Бога о нас
В землю нову, принесл еси Новый Завет, во Христе . Ко христу многи привел учаще и крестяще их, во имя Отца и Сына и Святаго Духа .
священномучениче Иоанне , моли Бога о нас
Сеяв, яко сеятель, в земли плодоносной Северо - Американской, веру православную Христову. Нивы многоплодныя тобою насажденныя , произросли есть ныне во вся концы земли .
священномучениче Иоанне , моли Бога о нас
Яко апостол Христов, проповедуя учение о спасении рода человеческого, прошел по Нову Свету, светом Евангелия вся просвещая .
священномучениче Иоанне , моли Бога о нас
Истину и красоту веры православныя усердно насаждая, посреде безбожия, ересей и раскола, учение Христово, славне Иоанне, в чистоте апостольской и святых отцев преподал еси .
Богородичен: Тя Предстательницу, Пречистая Дево, молим:/ преложи нашу печаль на радость и скорби належащия избави, Заступнице Усердная наша.
Седален, глас 3: Из канона новомученикам
Заветы исповедников и священномучеников Христовых восприем,/ душу твою за веру Православную положил еси, святе,/ еюже утверждается земля Русская./ Сего ради молися, священиомучениче Иоанне ,/ любовию чтущим тя верными до конца Христу быти.
Слава, и ныне: Богородичен:
Не имамы инаго прибежища разве Тебе, Богородице,/ отечества нашего усердная Заступнице:/ всяк бо, почитаяй Тя, надежду обретает.
Песнь 4:
Ирмос: Вознесена Тя видевши Церковь на Кресте,/ Солнце Праведное,/ ста в чине своем,/ достойно взывающи:/ слава силе Твоей, Господи.
Припев: священномучениче Иоанне , моли Бога о нас.
Воли Божией последовавый священномучениче Иоанне,/ землю Америки оставив к брегам Балтийским преплыв,/ в земле Эстонской паству твою учил , Закону Господню,/ в Нарове граде, юныя и старыя любовию наставляя,/ не остави верных чад твоих, верно почитающих память твою.
Припев: священномучениче Иоанне , моли Бога о нас.
Изрядная похвало града Нарова, /мучениче и пастырю Иоанне, не забуди нас , почитающих память твою, /буди щит и ограждение древнему граду, в немже проповедал и учил . /Буди ходатай и помошник православным людем, прославляющим святую память твою.
Припев: священномучениче Иоанне , моли Бога о нас.
Настоятельство приемля, в веси Силламяги, / ученик не ложный Божия Матери явился еси, / пред иконою ея Казанской, безмездно послужив, люди тамо живущия закону Господню наставляя день и нощь . / Не оставь и ныне тамо живущих, чтущих память твою.
Священномучениче Иоанне , моли Бога о нас.
Шествуя путем Господним к передугатованному страданию твоему. /Пределы Эстляндии оставив , во Отечество твое Господь тя возврати./ Царскосельским пастырем тя постави. Верного служителя Своего.
Богородичен: Тя Предстательницу, Пречистая Дево, молим:/ преложи нашу печаль на радость и скорби належащия избави, Заступнице Усердная наша.
Богородичен: Стена необоримая и Покров всемощный Российстим новомучеником явилася еси, Пресвятая Дево,/ темже Тя величаем.
Песнь 5
Ирмос: Ты, Господи, мой Свет,/ в мир пришел еси,/ Свет Святый, обращаяй из мрачна неведения/ верою воспевающия Тя.
Припев: священномучениче Иоанне , моли Бога о нас.
Во отечестве своем веру Христову поругаему обрел еси отче Иоанне, Ты молился о людех Твоих погибающих, верный делатель верторграда Христова, призри Господи с Небесе ныне и посети Виноград Твой, его же насади Десница Твоя и прослави, славою Твоею .
Священномучениче Иоанне , моли Бога о нас.
Веру свою не токмо бдением и постом показавый, но желающи мира, заповедь Христа, Блажении Миротворцы, яко тии Бога узрят, даже до смерти мученическия исполнил, поношения и смерть приял еси, за многосрадальныя чада страны твоея. Ныне зриши Бога и Творца всяческих.
Припев: священномучениче Иоанне , моли Бога о нас.
Первый в чине пресвитерстем новомучеников ты явился еси Иоанне пресвитере, во Америце прежде престолу Божию предстоявый, Яко лютых безбожников в Царском Селе обличителя , венча тя Господь венцем мученическим. В славе и мужестве пред мучители дивнаго, заступи нас.
Священномучениче Иоанне , моли Бога о нас.
Пророку Захарии уподобился отче Иоанне, ибо из рода священнического произсшел еси, усердно и смиренно Воле Божией повинуясь . подобно пророку смерти предан был иереское служение исполняя.
Богородичен: Иже от Девы неизреченно рождейся, Господи,/ сохрани молитвами Ея Церковь Твою,/ Тебе славящую православными гласы.
Песнь 6
Ирмос: Пожру Ти со гласом хваления, Господи,/ Церковь вопиет Ти,/ от бесовския крове очищшися/ ради милости от ребр Твоих/ истекшею Кровию.
священномучениче Иоанне , моли Бога о нас
Мира Евангелие проповедал еси , о гонимых пред гонитли предстательствуя, к житию праведному сих призывая. Блаженни миротворцы, яко тии сынове Божии нарекутся.
священномучениче Иоанне , моли Бога о нас
Свет добродетелей твоих ослепляет всех избравших тьму. На смерть предаша тя, свет Христов в тебе сиявший угасить хотяше. Ныне же предстоиши , священномучениче Иоанне, в свете неугасимом славы Божия, просвещающим мир.
священномучениче Иоанне , моли Бога о нас
Авелю кроткому уподобился еси незлобиве Иоанне, братоубийственную ненависть народа своего всем сердцем желая умалить. О мире к законопреступным взывая, не проливайте крови неповиння! Те же, Каинову убийству поревновав тебе связавше, тайно извед убиша.
священномучениче Иоанне , моли Бога о нас
Безчеловечные мучители тебе на смерть ведоша, избиша тя и ругахуся ти. Мы же видевшее в тебе Агнца Божия на заколение ведома, вопием , избави нас священномучениче Иоанне от козней и наветов дивольских.
священномучениче Иоанне , моли Бога о нас
Якоже первомученик Церкви Христовой архидиакон Стефан, ты Иоанне добропобедный мучениче, полк новомученический возглавил Церкви Российския. Подобно Стефану изведен бысть вне града и тамо биен быв убиваем, молился о убивающих тя, не ведят бо что творят, остави им Господи, грех их.
священномучениче Иоанне , моли Бога о нас
Молился о мучителех своих Христу подражая, священномучениче Иоанне, Господи прости им согрешения их не ведают бо что творят, призывая милостиваго Бога.
Богородичен:
Поем Тя, Предстательнице теплая и Заступнице христиан, Богородице Всепетая,/ яко со всеми святыми молиши Сына Твоего и Бога нашего/ обрести нам велию милость.
Кондак , глас 8
Ревностно пастырское служение свое исполняяй, / ты яко жертву благоприятную / душу свою Богу принесл еси, / моли Христа Бога, отче Иоанне, / мир миру даровати // и душам нашим велию милость.
Икос: глас тойже.
Неустанно в трудах своих веру православную в Америки утверждая священномучениче Иоанне . И в отечестве своем по возвращении твоем деяния добрые непрестанно творя. Молитву принесл еси Богу за мир небесный, за что от безбожных пострадал еси. Мы же овцы паствы твоея, просвещенные словом и делом твоим, благодарственно взываем Радуйся,священномучениче Иоанне, пастырь добрый стада Христова!
Ин кондак, глас 8
Яко первомученика Церкве Российския/ ублажаем тя, священномучениче Иоанне,/ пастыря Села Царскаго,/ кровию своею известившаго поднебесную всю/ о начале гонений лютых и жестоких,/ в нихже просия велий сонм новомученик,/ имиже дивно прославися Дом Господень,/ Емуже святыня подобает в долготу дний.
Песнь 7
Ирмос: В пещи авраамстии отроцы персидстей,/ любовию благочестия паче,/ нежели пламенем, опаляеми, взываху:/ благословен еси в храме славы Твоея, Господи.
священномучениче Иоанне , моли Бога о нас
Иерархов Тихона и Рафаила и с ними же священномучеников Александра и Алексия, Север Америки просветивших ,прославим, с ними ныне и ты , священномучениче Иоанне, предстоиши у престола Царя Славы , веру Христову православную в Новом Свете утвердивый.
священномучениче Иоанне , моли Бога о нас.
Духовное достояние твое, Отче Иоанне, с нами согласно молится, о Церкви Святей в Земли Новей созданней, подвигом и жертвою святых ея.
священномучениче Иоанне , моли Бога о нас
Якорь истины и чистоты Веры православныя, пастве своей подал еси, спасая их в буре богопротивных учений .
священномучениче Иоанне , моли Бога о нас
Храм святый во имя Отца и Сына и Святого Духа, Троице святой в Чикаго со святителем Тихоном воздвигнувый, тобою хвалится земля Американская ,прославляет тя и земля Русская яко истинного пастыря и апостола Христова.
Богородичен: Яже паче ума и естества Бога рождши, Неискусомужная Марие,/ чтущия Тя от враг видимых и невидимых избави,/ Ты бо еси земли отцев наших Держава необоримая.
Песнь 8
Ирмос: Руце распростер, Даниил/ львов зияния в рове затче;/ огненную же силу угасиша,/ добродетелию препоясавшеся,/ благочестия рачители отроцы, взывающе:/ благословите, вся дела Господня, Господа.
священномучениче Иоанне , моли Бога о нас
Воздвигнув яко Соломон, дом молитвы, Господу нашему , священномучениче Иоанне, Богу взывал благословите, вся дела Господня Господа.
священномучениче Иоанне Царскосельский и Чикагский, моли Бога о нас
От юности твоея Богу последовал еси , священномучениче Иоанне, орудием Божией правды был еси, образ Божией в себе показав, непрестанно Господу воспевал , благословите, вся дела Господня Господа
Благословим Отца и Сына и Святаго Духа.
Отец,и Сын,и Дух Святый, Бог Един, в триех лицах познаваемый, Троице послужив, священномучениче Иоанне , истинного Бога проповедал , за Негоже и смерть приял еси. Мы же с тобою вопием, благословите, вся дела Господня Господа.
Богородичен: Христа зрящи умерщвляема, Многопетая Владычице,/ и, видящи исполнение Симонова проречения, слезящи, взываше:/ благословен еси, Боже, во веки.
Песнь 9
Ирмос: Камень нерукосечный/ от Несекомыя Горы, Тебе, Дево,/ краеугольный отсечеся,/ Христос, совокупивый разстоящаяся естества./ Тем, веселящеся, Тя, Богородице, величаем.
священномучениче Иоанне , моли Бога о нас.
К божественней преложился еси ныне радости, к райстей широте пространней, к мысленным и премирным обителем, идеже мучеников чинове, идеже есть глас чист празднующих, Иоанне добропобедный, темже тя вси величаем.
священномучениче Иоанне , моли Бога о нас
Поюще песнь хвалебную ,с лики Ангельскими, священномучениче Иоанне, испроси и нам грешным немолчными усты и чистым сердцем с ними Христа славити.
священномучениче Иоанне , моли Бога о нас
Отпадших от веры православныя и спасительныя, на путь истинный наставляяй и суетные шатания языков лживых истребляяй, священномучениче Иоанне, сохрани паству твою от ересей, раскола и нестроений.
священномучениче Иоанне , моли Бога о нас
Пупь всея земли скончав отче Иоанне, Небесного Иерусалима достигл еси, ныне, прославляют тя земныя грады, Село Царское и град Чикаго, в них же семя жизни вечныя насадил .
Богородичен: Иконами твоими ,Пречистая, благословление на землю нашу низпослано быша. О пресвятая Богородица Дева ,благодарственно вопием ти, сохрани нас невещественным покровом твоим.

Славословие великое
На хвалитех стихиры, глас
Ныне Чикаго и Царское село,/ радуется, яко священномученик Иоанн , венцем мученическим венчается от Царя славы Христа Бога нашего , Ему же до крови и смерти послужив. Моли Христа Бога, земле Российкой , и отечеству твоему спастися.
Верный делатель винограда Христова был еси, священномучениче Иоанне, кровию своею, яко водою напоил еси его. Ныне же, напояеши виноградник сей, молитвами твоими.
О священномучениче Иоанне , кому уподобился еси? Авелю, яко незлобив быв, Аврааму яко Господу последовал еси отечество свое оставив, Соломону яко, воздвигнувый храм Господень, Моисею, яко провел паству свою сквозь пустыню страстей, Ною, яко сохранил народ свой от потопа греха, Мироносицам, яко не отрекся от Христа, первомученику Стефану, яко немолчно славил Христа. О священномучениче Иоанне, молись о всех нас празднующих святую память твою.
О священномучениче Иоанне,/ свещниче Христов, просветивый всех, /река напоившая нас верой и доброделанием./ Агнец Божий безвинно пострадавый и на заколение ведомый./ Камень краеугольный веры Христовой,/ проповедник и учитель истины Божией,/ пастырь добрый, за паству даже до смерти пострадавый./моли Христа спастися душам нашим.
Пеньми и песньми духовными прославляем тя, священномучениче Иоанне, яко столп крепкий и учитель веры христовой в стране Северо-Американския, и Среднего Запада явился еси , жизнь свою за люди отечествия твоего положивый, и венец мученический приемый, молися о нас духовных чад своих.
Слава:
Ликуй ныне мученическое воинство, блаженнаго проповедника и священномученика Иоанна Царскосельского и Чикагского восхвалим. Предстоит бо ныне пред престолом славы Божия, молися за ны Христу Бессмертному Царю о оставлении прегрешений наших, испроси у Него нам велию милость.
И ныне и присно….
О мати Божия, Господа нашего Иисуса Христа, Мучеников похвало и преподобных радование. Молимся Тебе, со священномучеником Иоанном о спасении душ наших.


НА ЛИТУРГИИ
Блаженны от канона, песни 3-я и 6-я. Прокимен, глас 7: Честна пред Господем/ смерть преподобных Его. Стих: Что воздам Господеви о всех, яже воздаде ми. Апостол к Римляном, зачало 99 (гл. 8:28-39). Аллилуйя, глас 6: Священницы Твои облекутся в правду, и преподобнии Твои возрадуются. Стих: Бог нам Прибежище и Сила, Помощник в скорбех, обретших ны зело. Евангелие от Луки, зачало 106 (гл. 21:12-19). Причастен: В память вечную будет праведник:


МОЛИТВА

О избранниче и угодниче Христов, священномучениче Иоанне Царскосельский и Чикагский, Церкве Русския столпе непоколебимый, земли нашея благое прозябение и красный плод, сродников твоих предстателю и наставниче! Ты во время гонения безбожнаго от сокровищницы души твоея спасительное исповедание Православныя веры изнесл еси, и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в вере святой, научи нас всегда творити волю Божию и хранити заповеди церковныя. Буди пастырем нашим - правило веры, воином - вождь духовный, болящим - врач изрядный, печальным - утешитель, гонимым - заступник, юным - наставник, всем же благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней имя Пресвятыя Троицы, Отца и Сына и Святаго Духа во веки веков. Аминь.


Link

На начало